“මොකද බං ඇඹරෙන්නෙ ගෑනියෙක් වගේ
කෙලින් හිටපංකො පිරිමියෙක් වගේ”
අල්ලපු ගෙදර පේමක්කා
එයා බැඳපු අයියා ට කියන්නේ
“තමුසෙ නම් ගෑනියෙක් ඕය්”
ඕල්කට් මාවතේ බඩුවක්
කස්ටමර් කෙනෙකුට කිව්වේ
“අඩෝ උඹ පොන්නයෙක්”
යාලුවෙක් මට කිව්වා
“මචං අපේ අම්මටය් තාත්තටය්
ගෘහණියක් ගෙ දෙපරැන්ද අස්සෙ
පතිණියක් සොයද් දී
මං සොයා ගත්තා ගෑනියෙක්
පිරිමියෙක් වෙන්න මට”
“මතකද අර මල්කාන්ති
ඒකිත් දැන් සංක්‍රාන්ති”
“පත්තිනි මෑණිට ඇන්ඳේ
නාඹර රතු ගුරුන්නාන්සේ”
සර්පයාගේ “නේරංජනේ ඉස්නානේ”
ගත වහපු හවුස් කෝට් එකේ
ඇතුලු වාටියේ තිබුණා
“පුරිස් කතුවර අමන අබිමන
නොමැති සුනෙරක විසූ මිනිසෙකි
පුම ඉතිරි ලිඟු වෙනස නැතිකොට
උතුම් සුබසක් තැනූ මිනිසෙකි”
කේ. කේ. - එරික් ඉලයප්පාරච්චි
සිතූ දේ:
පිරිමි ළමයි නිල් පාටය්
රෝසපාට ගෑනු ළමයි
අතුරු මිතුරු පවතිනතුරු
ගෑනු පිරිමි මල් පළතුරු
පිරිමි ගෑනු
ගෑනු පිරිමි
උඩයි බිමය්
බිමය් උඩය්
පිරිමි මූණු වය්වාරණ
ගෑනු මූණු වය්වාරණ
පිරිමි ඇඳුම් ආයිත්තම්
ගෑනු ඇඳුම් ආයිත්තම්
සපත්තු සෙරෙප්පු
සෙරෙප්පු සපත්තු
දාර මිට දිග ලොකු පිරිමි කුඩ
පාට මල් මල් පොඩි ගෑනු කුඩ
පිරිමි කටහඬ ගොරෝසුය්
ගෑනු කටහඬ සුසිනිඳුය්
පිරිමි ගැට
ගෑනු ගැට
දහන් ගැට
හතරවට
පිරිමින්ට පිරිමි වැඩ
ගෑනුන්ට ගෑනු වැඩ
කොණ්ඩ කපන්නය්
කොණ්ඩ බඳින්නය්
පච්ච කොටන්නය්
තෝඩු දමන්නය්
පිරිමි පිරිමි රිසි සුමියුරු වෙන්නය්
ගෑනු ගෑනු රිසි සුමියුරු වෙන්නය්
පිරිමි ගෑනු නෙක විසිතුරු වෙන්නය්
පිරිමි ගෑනු සම සමාජ වෙන්නය්
පිරිමි අර්ධ ගෑනු අර්ධ
සම්පූර්ණ මිනිසා
පිරිමි නම් ගෑනු නම්
දෙකලාව මෑත්කර
කුමට වග වාසගම්
No comments:
Post a Comment